Laugardaginn 26.júní nutum við svo sannarlega veðurblíðunnar og buðum upp á smíðasmiðju, sull og grill yfir opnum eldi á útisvæðinu í Dal. Aðstæðurnar gætu ekki hafa verið betri og nutum við skemmtilegrar samveru með æðislegum hópi barna og foreldra.
Sullið stendur ávalt fyrir sínu og naut það mikilla vinsælda að venju. Við buðum svo upp á smíðasmiðju þar sem börn og foreldrar gátu æft sig í að negla nagla og útbúa allskyns skúlptúra.
Það sem vakti þó hva mesta lukku var grillstöð þar sem hægt var að grilla sykurpúða, pylsur og snúbrauð á löngum greinum yfir opnum eldi. Skemmtileg útilegustemmning skapaðist og nutum við í botn.
Kærar þakkir fyrir komuna og samveruna kæru fjölskyldur.
memmmplay.com 